رواية قدر اخي الفصل الثاني عشر 12 بقلم ديدا الشهاوي
#بارت_12
#قدر_اخي
فلاااااش بااااك
_انا بحبك يانورا....
_انا مش شيفاااك.... انا بعتبرك اخويا... ومش بفكر في الجواز دلوقتي...
_انا مش هيأس.هحاول مره وعشره انتي بتاعتي
باااااااك
في المستشفى
في مكتب مدير المستشفى
_ايه اللي بيحصل يادكتور احمد...
_مدام نورا شكل الوقعه... خلتها تفتكر كل حاجه.. ياعني الذاكره رجعت ليها
_مصيبه... احنا في مصيبه... لازم تشوفلي حل... انا هتفضح
_مافيش حل... الحاجه اللي نقدر نعملها نديها ادويه... تنايمها شبه غيبوبه لغايه ما نشوف هنتصرف ازي... وانا اديتها حقنه مهدئه وفيها مخدر
في عربيه حكيم
_نورا رجعت ليها الذاكره... وكده هتفتكر كل حاجه... وانت كده هتبقي بريء... زعلان ليه
_انت مش فاهم... نورا كده في خطر... مع قدر... لانها هتقول علي الحادثه واللي حصل فيها...
_تقصد... ان قدر ممكن يخلص منها
_بالضبط... لازم اشوف حل قبل قدر...
_حل في اي... نورا مرات قدر... ادم القانون...
_انا ماليش دعوه بالقانون... مش هقدر اسيب نورا في ايد قدر... لازم اشوف حل
في غرفه نورا...
واللي كانت الممرضه قاعده معاها كل ماتفوء تديها في مهداءت ومخدره عشان تفقد الوعي... دكتور احمد دخل يطمن علي الامور عند نورا وبدا يسال الممرضه تبعه
_اخبارها ايه
_زي ماهي ياادكتور... كل ماتفوء تصرخ... وتندهه علي دكتور ياامن. واديها المخدر وتنام
_كويس... انتبهي كويس لنروح ورا الشمس... وانتي عارفه قدر بيه مش بيرحم
_حاضر.... يادكتور
وهنا قدر... دخل عليهم.. وعيونه علي نورا اللي نايمه لاحول ولاقوة ليها. ووجه كلامه للممرضه
_ادامها ايه... وتفوء...
_عشر دقايق وهتصحي
وهنا قدر.... بص لدكتور احمد... والممرضه
_سبوني لوحدي... معها... ومحدش يدخل عليا غير مااقولكم
وهنا خرجوا الدكتور والممرضه
وقدر قرب من نورا.... ومسك ايدها
_انتي اللي خلتيني كده.... انا كنت باخد اي حاجه عجبني... كل حاجه عيني تقع عليها ملكي... بنات الدنيا نفسها ابصلها... الا انتي عمرك ماشوفتيني... رغم اني حبيتك... وعشقتك... مكنتيش شيفاني... وفضل عندي امل انك تحسي بيا
ودا محصلش... عشان يامن.. خلصت من اخويا عشانك عشان متشوفيش غيري... وبردوا وانتي معايا مكنتيش ليا..
نورا بدات تتحرك وتفوء... وكانت بتتلفظ باسم يامن... وبدات تفتح عيونها... وبدات نظرات خوف.وصريخ.. وهنا قدر بسرعه.. كتم صوتها...
_لو كلمه طلعت منك عن الحادثه... هموتك... فاهمه... هموتك زي واخلص منك... زي ماخلصت من يامن بتاعك...
مش عاوز نفس... والا هيتكرر اللي حصل في الحادثه... تسكتي والا ابوكي هيحصل حبيب قلبك يامن..
وهنا نورا... كانت بتسمع وعيونها انهار دموع... علي ماسمعته من موت يامن... وحاله الهستريا والانهيار... انتهت وكانها فقدت الاحساس وبقت جسد... من غير روح..
_انتي مراتي واتجوزتك وانتي ناسيه... ياعني اقدر اعمل اللي اناعوزه... سامعه ولا تحبي ابوكي يحصل ياامن
وهنا شال يامن ايده من علي فم نورا... بهدوء ونظراتها كانت في اللافراغ مكتتش بتبصله
وهنا ندهه علي دكتور احمد... ودخل
_شوفلي مالها بسرعه...
_دخلت في اكتئاب.... وهنا اداها حقنه مخدره وغابت عن الوعي بسرعه
في فيلا... يامن
يامن... كان متوتر وفي حاله هياج... بيفكر ازي ينقذ نورا
_اهدي ياحكيم رايح جاي... لازم تهدي عشان نفكر
_مافيش وقت يااحكيم... طول مانورا عايشه وفي وعيها هي في خطر
_طب.. والعمل
_انا عاوز اروح المستشفى دلوقتي
_دلوقتي ازي
_اتصرف.... ولو مش عاوز هروح لوحدي
في الليل
حكيم. مكنش قادر يسيطر علي يامن واصراره.. هو عارف ابن خالته ومدي عشقه لنورا
_ادينا وصلنا... اقولي هتدخل ازي... من غير ماحد يشوفك ويبلغ قدر اللي شاكك فيك
_مايهمنيش... خليك هنا ولو مجتش بعد ساعه اتحرك انت
_هتتدخل ازي...
_هتصرف... وهنا يامن لبس جاكته وكوفيته ونزل الطاقيه علي اغلب وشه ونزل من العربيه
وبدا يمشي براحه لغايه ماقرب من بوابه الامن مع اهالي مرضي
وهنا يامن اتحرك بهدوء ومن غير ماحد يحس فهو صاحب المستشفى وعارف كل طرق مداخلها... اتحرك لجنينه المستشفى واتشعلق علي بوابه الامن الخلفيه واللي في وقت متاخر مش بيكون عليها امن لانها مخصصه لعربيات الاسعاف.. والمواد الغذائية
يامن نط وبدا يجري جنب العربيات الاسعاف بيداري فيها وهو بيجري لغايه ماوصل لسلالم المستشفى. والسلالم بتكون هاديه لان الاسنانسيرات هي اللي عليها الضغط والامن
يامن كان بيتفادي اي كاميرات تلقط وشه... وبدا يتطلع السلالم لغايه ماوصل... لدور اللي فيه نورا....
ولاقي حمام دخل فيه وكان في بلاطي الدكاتره متعلقه خد بالطوا.... وهنا
قابل ممرضه نازله من الدور اللي فوق واتكلم بثقه
_نييرس... اديني سماعتك... اظاهر نسيت سماعتي في المكتب
_اتفضل ياادكتور
وهنا يامن خد السماعه ولبسها علي رقبته... وارتاح يامن لان طقم الدكاتره والممرضات كان مختلف عن الصبح... وهنا يامن وصل لغرفه نورا....
واتصدم لما لاقي الممرضه طالعه.. من اوضتها بترد علي الموبيل بتاعها
_انا نازله اهو ثواني جهزلي حقن المورفين عشان استلمها منك
وهنا يامن اتاكد انهم بيدوا لنورا حقن مخدره
الممرضه ركبت الاسانسير.... ويامن كان مستخبي ورا حيطه واول ماركبت الممرضه هو بسرعه علي اوضه نورا... دخلها
يامن دخل وقرب من نورا... وبدا يلمس وجهه نورا بحنان وحب
_حببتي استحملي... عشان خاطري... وعهد ربنا لاخلصك زي ماعهدتك اننا هنكون سوا اعهدك اني هخلصك من اللي انت فيه
وهنا يامن طلع من جيبه سلسله فيها حروف اول حرفين من اساميهم
فلاااااش باااك
_هتسافر امتي
_بكره باذن الله
_خلي بالك من نفسك.. انا قلبي مقبوض من السفريه دي
_متخافيش.... وانتي شهلي عاوز ارجع الاقي الفيلا علي المفتاح
وهنا نور ا قلعت سلسله كانت لابسها..
_خدها البسها....
_انتي عارفه مش بحب السلاسل وكمان حرام
_معلش عشان خاطري... لغايه ماترجع عشان فيها ايه الكرسي واول حرفين من اسمنا واول ماترجع هخدها منك
_خلاص هخليها معايا علي طول في جيبي لغايه ما ارجع والبسها ليكي بنفسي
باااااااك
وهنا ياامن طلع السلسلة. ولبسها لنورا ودراها في لبس نورا.. وبسرعه خرج وطلع زي مادخل.. لغايه ما وصل لحكيم اللي مستنيه في العربيه
_اطمنت....
_قلقت اكتر الحيوانات.... بيدوها حقن مورفين....
_ياعني اي
_يااعني مخدر.... عاوزنها مدمنه وانها بتلهوس
_طب والحل
_لازم نخطف نورا......
_ااازي
في الصباح
نورا... كانت ساكته نظراتها..مشتته كانت سرحانه
والممرضه بتغير ليها علي الجرح
_حمدالله على سلامتك مدام نورا...
نورا كانت سامعه ومش بصلها... وكانها بتنعزل بارادتها عن العالم.. وهنا الممرضه
_لازم تكلي انتي بتاخدي ادويه....
وهنا لفت نظر الممرضه السلسله
_الله حلوه اوي السلسله دي
وهنا انتبهت نورا لكلامها وبصت لصدرها وطلعت السلسله واتصدمت لما لاقيت السلسله دي.....
